Ein Gedicht zur Aktuellen Lage
Corona-Killervirus
Was soll ma macha oder fanga a,
ma ka nena mai gau na.
Des Corona isch bald überall,
Rond om da ganza Erdaball.
Macht Schlagzeila em Augenblick,
wer hot den Virus eus blos gschickt.
Ganz gwieß will den au koiner hau,
der soll doch glei ent Wüste gau.
Überall oba dana er schtoht.
Obwohl er gar koin Fanclub hot.
Bis jetzt hot er von eus koin gfonda,
macht aber weiterhin viel Überstonda.
Natürlich moß ma se scho schütza,
doch Panik dia duet au nix nütza.
Koi Problem mir basset scho auf,
daß ma bald ens Kolpingsheim
kennet wieder nauf.
HK.